Category: Aħbarijiet

L-Awtorità tal-Bini u l-Kostruzzjoni (BCA) qed tilqa’ applikazzjonijiet minn avukati bil-warrant u Periti biex jgħinu terzi persuni (definiti f’Kapitlu 23 tal-Liġijiet ta’ Malta) milquta minn żviluppi ta’ kostruzzjoni fil-qrib.

B’referenza għall-pubblikazzjoni tal-Avviż legali 38/2024 fuq il-Gazzetta tal-Gvern 21,198 fis-27 ta’ Frar, 2024, l-Awtorità tal-Bini u l-Kostruzzjoni (BCA) tixtieq tgħarraf illi l-mudell għad-dikjarazzjoni tal-kopertura tal-assigurazzjoni issa jinsab biex jitniżżel mis-sit elettroniku tal-BCA.

Il-Ministru għall-Ġustizzja u r-Riforma fis-Settur tal-Kostruzzjoni Jonathan Attard, flimkien mal-Kap Eżekuttiv tal-Awtorità tal-Bini u l-Kostruzzjoni, Jesmond Muscat, ippreżentaw numru ta’ emendi leġiżlattivi li jitrattaw diversi avviżi legali relatati mal-Att dwar l-Awtorità tal-Bini u l-Kostruzzjoni (BCA).

Ir-Regolamenti tal-2023 dwar ir-Rendiment tal-Bini fl-Użu tal-Enerġija (Emenda), li ġew ippubblikati fit-22 ta’ Diċembru 2023 parzjalment ifittxu li jipprovdu ċarezza u dettall addizzjonali għal aspetti speċifiċi deskritti fir-Regolamenti dwar ir-Rendiment tal-Bini fl-Użu tal-Enerġija (L.S. 623.01).

L-Awtorità tal-Bini u l-Kostruzzjoni għarfet il-kisbiet ta’ aktar minn 150 student li temmew kors fl-Energy Performance Rating of Dwellings in Malta (EPRDM). Il-kors wassal biex dawn l-istudenti jsiru assessuri u għalhekk jikkonsultaw mal-pubbliku dwar l-andament tal-enerġija f’bini residenzjali.

Il-Ministru għax-Xogħlijiet Pubbliċi u l-Ippjanar Stefan Zrinzo Azzopardi inawgura l-uffiċini l-ġodda tal-Awtorità tal-Bini u l-Kostruzzjoni, il-BCA fil-Marsa. Waqt id-diskors tiegħu spjega li anke jekk l-Awtorità ilha mwaqqfa għal ftit żmien, diġà għamlet xogħol sostanzjali u qed tkompli tibni fuq dak li diġà sar.

Il-Fakultà tal-Liġi tal-Università ta’ Malta lestiet l-ewwel fażi ta’ riċerka dwar il-Liġijiet tal-kostruzzjoni f’Malta.

Bi pjaċir ninfurmawkom li peress li kbirna l-post tax-xogħol attwali tagħna u sibna spazju aktar modern li jaqbel mal-ambizzjoni tagħna, l-uffiċċju tagħna se jkun qed jimxi għall-indirizz il-ġdid li ġej li huwa effettiv fis-7 ta’ Awwissu 2023. In-numri tat-telefon tal-uffiċċju tagħna jibqgħu l-istess.

Il-bidla fir-regoli tal-liċenzja tal-bennejja li ttellgħet għall-Konsultazzjoni Pubblika, tiddefinixxi x’ħiliet irid ikollha persuna biex taħdem bħala bennej f’Malta. Irridu li t-taħriġ jassigura li kemm dawk li se japplikaw għal-liċenzja għall-ewwel darba kif ukoll dawk li diġa’ ġabu l-liċenzja jkomplu jtejbu l-ħiliet tagħhom u jkunu aktar konxji tal-aħjar prattiċi fil-qasam tal-bini.

Il-Kap Eżekuttiv tal-Awtorità tal-Bini u l-Kostruzzjoni jgħarraf lil dawk interessati li l-proċess tal-applikazzjoni tal-liċenzja tal-kuntratturi se jkun miftuħ mill-24 ta’ Lulju sal-31 ta’ Ottubru. L-applikazzjonijiet jistgħu jintbagħtu biss online fuq www.bca.org.mt. Il-liċenzja meħtieġa għas-servizzi ta’ attivitajiet fi: a. Twaqqigħ; b. Skavar u piling u ċ. Servizzi ta’ kostruzzjoni.