Biex tapplika għall-ewwel fażi tal-liċenzja tal-kuntrattur, uża din l-applikazzjoni onlajn billi ssegwi l-erba’ passi t’hawn taħt. Ipprepara d-dokumenti t’hawn taħt qabel ma tibda:

Individwali

• Kopja tal-karta tal-identità jew tal-passaport.
• Ċertifikat tal-kondotta maħruġ fl-aħħar xahrejn.
• Dikjarazzjoni ffirmata mill-individwu li turi li mhuwiex fallut (ipprovduta fuq l-applikazzjoni online).

Kumpanija

• Kopja tal-karta tal-identità jew passaport tal-amministratur.
• Ċertifikat tal-kondotta tal-amministratur maħruġ fl-aħħar xahrejn.
• Dikjarazzjoni ffirmata mill-amministratur li turi li l-kumpanija mhijiex falluta (ipprovduta fuq l-applikazzjoni online).
• Ċertifikat ta’ reġistrazzjoni tal-kumpanija.
• Dokument li jipprova l-pożizzjoni tal-amministraturi fi ħdan il-kumpanija.
• Ir-riżoluzzjoni tal-bord tad-diretturi li tawtorizza lill-amministratur biex jirrappreżenta lill-kumpanija (fejn applikabbli).