Skop tal-Edukazzjoni

Minn meta l-BCA ħadet f’idejha r-responsabbiltajiet ta’ BICC f’termini ta’ edukazzjoni u ċertifikazzjoni tal-ħiliet, BCA żammet l-istess status ta’ istituzzjoni edukattiva. Waħda mill-kompiti li għandha s-sezzjoni, hija li tissorvelja u tikkoordina ma’ istituzzjonijiet edukattivi akkreditati oħra li jipprovdu servizzi lill-industrija tal-kostruzzjoni.

Is-sezzjoni tal-edukazzjoni fi ħdan il-BCA għandha l-għan li żżid l-istandards u l-livell edukattiv tal-impjegati kollha fl-industrija tal-bini u l-kostruzzjoni. L-appoġġ għall-iżvilupp tal-ħiliet hija waħda mir-responsabbiltajiet ewlenin ta’ din l-unità. Għanijiet oħra jinkludu li l-impjegati jħeġġu jsaħħu u jaġġornaw il-ħiliet tagħhom, kif ukoll li jindirizzaw il-lakuni fil-ħiliet fi ħdan l-industrija permezz ta’ diversi korsijiet offruti mill-Awtorità tal-Bini u l-Kostruzzjoni.