Quality Service Charter

L-Awtorità tal-Bini u l-Kostruzzjoni (BCA) ħarġet permezz tal-Att dwar il-Bini u l-Kostruzzjoni tal-2021. Il-BCA hija responsabbli għas-salvagwardjar ta’ partijiet terzi u prattiki tax-xogħol sikuri, billi tiżgura li l-aspetti ewlenin taċ-ċiklu tal-ħajja ta’ bini jiġu żviluppati b’mod effettiv u jsegwi r-regolamenti aġġornati applikati f’ambjent ikkontrollat. Il-BCA hija responsabbli wkoll biex tmexxi l-ħolqien ta’ ekosistema tal-kostruzzjoni u tħaddan governanza tajba, kif ukoll tiżviluppa politiki u prattiki mfassla apposta li jappoġġaw pjattaformi ta’ networking li jippromwovu bini konformi u sostenibbli. Il-missjoni tal-BCA hija li taċċerta li l-aspetti ewlenin taċ-ċiklu tal-ħajja tal-bini jiġu eżegwiti permezz tal-ġenerazzjoni ta’ regolamenti aġġornati implimentati b’mod effettiv u effiċjenti f’ambjent ikkontrollat. Barra minn hekk, il-BCA tmexxi l-ħolqien ta’ ekosistema relatata mal-kostruzzjoni li tħaddan governanza tajba, politiki u prattiki mfassla apposta li jappoġġaw pjattaformi ta’ networking li jippromwovu Bini konformi u Sostenibbli.

L-Impenn Tagħna Lejn Il-Klijenti

Livell ta’ servizz li wieħed jistenna meta jikkuntattja jew iżur l-Uffiċċji tagħna:

  • Aħna se nittrattawk b’rispett u b’mod professjonali.
  • Aħna niggarantixxu l-kunfidenzjalità fuq kwalunkwe skambju ta’ informazzjoni.
  • L-istandards tas-servizzi tagħna huma konformi mad-Direttiva 4-2, Standards għas-Servizz ta’ Eċċellenza offrut mill-Amministrazzjoni Pubblika lill-Pubbliku u l-Impjegati Pubbliċi.
  • Il-lista tas-servizzi offruti tinsab fil-ħolqa li ġejja: https://bca.gov.mt

Responsabbiltajiet Tal-Klijent

Il-klijenti huma mistennija li: Jipprovdu informazzjoni kompluta u korretta. Jittrattaw il-ħaddiema b’korteżija u rispett. Iżommu mal-ħinijiet u l-appuntamenti allokati meta applikabbli.

Aħna Nivvalutaw Il-Feedback Tiegħek

Jekk tixtieq tissottometti feedback, suġġerimenti, jew ilmenti ġentilment:

L-Kunfidenzjalità tiegħek tkun garantita. Tirċievi l-feedback tagħna fi żmien 5 ijiem tax-xogħol.

X’għandek Tistenna Meta Tikkuntattjana

L-informazzjoni tagħna

Nipprovdu informazzjoni speċifika, ċara, u ħielsa minn lingwaġġ tekniku. L-informazzjoni kollha tingħata kemm bil-Malti kif ukoll bl-Ingliż. Aħna nimpenjaw ruħna li nwieġbu l-mistoqsija tiegħek fi żmien jum 1 tax-xogħol, jew skont il-perjodi ta’ żmien stipulati fid-Direttiva 4-2.

Meta tikkuntattjana permezz ta’ ittra jew email

Se nibagħtu konferma fi żmien 1 jum tax-xogħol minn meta nirċievu l-ittra jew l-email tiegħek.

Meta tikkuntattjana bit-telefon

Nimpenjaw ruħna li nwieġbu mat-3 darba li jdoqq it-telefon, b’mod ċar u b’għarfien. L-uffiċjali ser jidentifikaw ruħhom u jittrattawk b’korteżija u rispetto

Meta żżur l-Uffiċċji tagħna

L-uffiċċji tagħna joffru ambjent nadif u sigur, u se niżguraw li s-servizzi tagħna jkunu aċċessibbli għal persuni b’diżabilità. Il-ħin ta’ stennija se jkun ta’ madwar 15-20 minuta f’ċirkustanzi normali.

Appuntamenti

Tweġibiet għal talbiet għal appuntamenti jiġu provduti fi żmien 1 jum tax-xogħol, bid-data tal-appuntament tkun fi żmien 5 ijiem tax-xogħol mid-data tat-talba. Madankollu, appuntamenti jistgħu jiddependu minn listi ta’ stennija tad-Dipartiment u talbiet urġenti li jistgħu jingħataw prijorità.

Kif Tikkuntattjana

  • The Exchange, Spencer Hill, Marsa, MRS 1982, Malta
  • Mit-Tnejn sal-Ħamis Xitwa (1 ta’ Sett-30 ta’ Ġunju): 07:30-15:00; Il-Ġimgħa: 07:30-13:30
    Mit-Tnejn sal-Ġimgħa Sajf (1 ta’ Lulju-31 ta’ Awissu): 07:30-12:30; Sibtijiet, Ħdud u Festi Pubbliċi : Magħluqa
  • https://bca.gov.mt
  • Sabiex jiġi ffaċilitat il-kuntatt mal-uffiċċju: info[email protected] -+356 138
  • Permezz tal-midja soċjal:
Facebook Instagram Linkedin Youtube

Għafas hawn għall-Quality Service Charter tal-BCA